NETEWEPERWERIYA KURDÎ DI ŞANOYÊ DE_{Performans, Siyaset û Berxwedan Li Başûrê Kurdistanê}

Şano çavkaniyeke girîng û cûreyeke zindî ye ji bo şahidî û lêkolînkirina avakirina nasnameyan. Lê, di peywenda kurdî de, nedihat fikirîn ku bikaribe derbarê fêmkirina dîrokê de bibe çavkanî. Ev kitêb vê nêrînê red dike bi riya lêhûrbûna li ser rola şanoyê û hêza wê di têgihiştina dîroka kurdî de.

“Neteweperweriya Kurdî di Şanoyê de” hewl dide tevkariya lêkolîneriya warê çand û neteweperweriya kurdî bike bi riya lêhûrbûna li ser geşbûna şanoya Başûrê Kurdistanê û wê bide rûniştandin di nav peywendeke dîrokî de. Ev xebat li ser vê pirsê hûr dibe ka gelo şanoya kurdî ya li Başûrê Kurdistanê çawa bi babetên nasnameya neteweyî, neteweperwerî û têkoşîna ji bo serxwebûnê ve daketiye di kêliyên guherînên xurt ên serdema 1975-91ê de.